Tuesday, 25 August 2015

:

ਗੁਰਬਾਣੀ ਅਨਸਾਰ ਨਾਮ ਅਭਿਆਸ ਭਾਗ 3 ਨਾਮ ਹਮੇਸ਼ਾਂ ਹਰ ਕਿਸੇ ਦੀ ਪਛਾਣ ਲਈ ਹੋਂਦਾ ਹੈ ਪਛਾਣ ਲਈ ਹੀ ਸਾਡੇ ਤੁਹਾਡੇ ਭੀ ਨਾਮ ਰੱਖੇ ਜਾਂਦੇ ਹਨ ਜੋ ਮਾ ਬਾਪ ਨਿਸਚਤ ਕਰਦੇ ਹਨ ਕਿਉਂਕੇ ਸਾਨੂੰ ਤੁਹਾਨੂੰ ਤਨ ਕਰਕੇ ਮਾ ਬਾਪ ਜਨਮ ਦੇਂਦੇ ਹਨ। ਪਰ ਅਕਾਲ ਪੁਰਖ ਤਾਂ ਤਨ ਨਹੀਂ ਹੈ ਅਤੇ ਨਾ ਹੀ ਉਸਨੂੰ ਕਿਸੇ ਮਾਂ ਬਾਪ ਨੇ ਜਨਮ ਦਿਤਾ ਹੈ। ਸੰਕਟਿ ਨਹੀ ਪਰੈ ਜੋਨਿ ਨਹੀ ਆਵੈ ਨਾਮੁ ਨਿਰੰਜਨ ਜਾ ਕੋ ਰੇ ॥ ਕਬੀਰ ਕੋ ਸੁਆਮੀ ਐਸੋ ਠਾਕੁਰੁ ਜਾ ਕੈ ਮਾਈ ਨ ਬਾਪੋ ਰੇ ॥2॥ ਗ ਗ ਸ ਪੰਨਾ 339 ਇਸ ਲਈ ਕਿਸੇ ਨੇ ਭੀ ਅਪਣੀ ਸੋਚ ਸਿਆਣਪ ਨਾਲ ਉਸਦਾ ਕੋਈ ਨਾਮ ਨਹੀਂ ਰੱਖਿਆ ਹਾਂ ਉਸਦੇ ਕਿਰਤਮ ਗੁਣ ਹੀ ਉਸਦਾ ਨਾਮ ਬਣ ਗਏ ਹਨ ਜੋ ਅਕਸਰ ਜਪੇ ਜਾ ਰਹੇ ਹਨ ।ਕਿਉਂਕੇ ਉਹ ਹਮੇਸ਼ਾਂ ਸੱਤ ਰਹਿਣ ਵਾਲਾ ਹੈ ਇਹ ਭੀ ਉਸਦਾ ਗੁਣ ਹੈ। ਨਾ ਓਹੁ ਮਰੈ ਨ ਹੋਵੈ ਸੋਗੁ ॥ ਦੇਦਾਰਹੈ ਨ ਚੂਕੈ ਭੋਗੁ ॥ ਗੁਣੁ ਏਹੋ ਹੋਰੁ ਨਾਹੀ ਕੋਇ ॥ ਨਾ ਕੋ ਹੋਆ ਨਾ ਕੋ ਹੋਇ ॥3॥ ਗ ਗ ਸ ਪੰਨਾ 9 ਇਸ ਲਈ ਉਸਦਾ ਸਭ ਤੋ ਪੁਰਬਲਾ ਨਾਮ ਸਤਿ ਨਾਮ ਹੈ। ਕਿਰਤਮ ਨਾਮ ਕਥੇ ਤੇਰੇ ਜਿਹਬਾ ॥ ਸਤਿ ਨਾਮੁ ਤੇਰਾ ਪਰਾ ਪੂਰਬਲਾ ॥ ਗ ਗ ਸ ਪੰਨਾ 1083 ਸੋ ਪ੍ਰਭੂ ਦਾ ਨਾਮ ਗੁਣ ਸਰੂਪ ਪ੍ਰਭੂ ਦੇ ਗੁਣਾਂ ਤੇ ਅਧਾਰਤ ਹੈ ਗੁਰਬਾਣੀ ਦੀ ਅਗਵਾਈ ਵਿਚ ਪ੍ਰਭੂ ਦੇ ਗੁਣਾ ਨੂੰ ਸਮਝ ਕੇ ਜਪਦਿਆਂ ਹਿਰਦੇ ਵਿਚ ਵਸਾਣਾ ਅਤੇ ਉਸਦੇ ਕਿਰਤਮ ਨਾਮ ਰੂਪੀ ਗੁਣਾ ਨੂੰ ਜੀਵਨ ਦੇ ਕਰਮਾ ਵਿਚ ਧਾਰਨ ਕਰਣਾ ਹੀ ਅਸਲ ਵਿਚ ਨਾਮ ਅਭਿਆਸ ਭਗਤੀ ਹੈ। ਸਭਿ ਗੁਣ ਤੇਰੇ ਮੈ ਨਾਹੀ ਕੋਇ ॥ਵਿਣੁ ਗੁਣ ਕੀਤੇ ਭਗਤਿ ਨ ਹੋਇ ॥ ਗ ਗ ਸ ਪੰਨਾ 4 ਗੁਰਮੁਖਿ ਹਸੈ ਗੁਰਮੁਖਿ ਰੋਵੈ ॥ਜਿ ਗੁਰਮੁਖਿ ਕਰੇ ਸਾਈ ਭਗਤਿ ਹੋਵੈ ॥ ਗੁਰਮੁਖਿ ਹੋਵੈ ਸੁ ਕਰੇ ਵੀਚਾਰੁ ॥ਗੁਰਮੁਖਿ ਨਾਨਕ ਪਾਵੈ ਪਾਰੁ ॥14॥ ਗ ਗ ਸ ਪੰਨਾ 1422 ਰਾਮ ਰਾਮ ਸਭ ਕੋ ਕਹੈ ਕਹਿਆ ਰਾਮ ਨਾ ਹੋਇ॥ ਗੁਰੁ ਪ੍ਰਸਾਦੀ ਰਾਮ ਮਨ ਵਸੈ ਤਾਂ ਫਲ ਪਾਵੈ ਕੋਇ ਗ ਗ ਸ ਪੰਨਾ 491 ਮੁਖਹੁ ਹਰਿ ਹਰਿ ਸਭ ਕੋ ਕਹੈ ਵਿਰਲੇ ਹਿਰਦੇ ਵਸਾਇਆ॥ ਨਾਨਕ ਜਿਨ ਕੇ ਹਿਰਦੇ ਵਸਿਆ ਮੋਖ ਮੁਕਤ ਤਿਨ ਪਾਇਆ॥ ਗ ਗ ਸ ਪੰਨਾ 565 f-b

No comments:

Post a Comment