Thursday, 27 August 2015

:

ਗੁਰੂ ਗ੍ਰੰਥ ਦੇ ਪੰਥ ਨੂੰ ਹਲੂਣਾ ਸਿੰਘੋ ਜਾਗੋ ਸਿਖੀ ਦੇ ਇਕੋ ਇਕ ਸਹਾਰੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਉਤੇ ਅੱਜ ਚਾਰੇ ਪਾਸੇ ਤੋਂ ਹਮਲੇ ਹੋ ਰਹੇ ਹਨ ਤਾਂਕੇ ਸਿਖੀ ਨੂੰ ਲਵਾਰਸ ਕਰਕੇ ਮਿਟਾਇਆ ਜਾ ਸੱਕੇ ।ਜੇ ਅਪਣਾ ਅਤੇ ਅਪਣੇ ਬਚਿਆਂ ਦਾ ਭਵਿਖ ਸੁਰੱਖਸ਼ਤ ਚਾਹੁਂਦੇ ਹੋ ਸਿਖੀ ਦਾ ਉਚਾ ਆਚਰਣ ਅਤੇ ਸੁਚੱਜਾ ਸਮਾਜ ਸਿਰਜਨਾ ਚਾਹੁਂਦੇ ਹੋ ਤਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਪਾਤਸ਼ਾਹ ਜੀ ਦੀ ਪਵਿਤਰ ਬਾਣੀ ਦਾ ਘੁਟ ਕੇ ਪੱਲਾ ਫੜ ਲਉ। ਸਿੰਘੋ ਜਾਗੋ ਅਪਣਾ ਫਰਜ਼ ਪਛਾਣੋ ਗੁਰਦੁਆਰੇ ਗੁਰਬਾਣੀ ਗੁਰਮਤਿ ਦੇ ਪ੍ਰਚਾਰ ਪ੍ਰਸਾਰ ਲਈ ਬਣੇ ਸਨ ਜੇਹੜੇ ਅੱਜ ਧੜਿਆ ਟਕਸਾਲਾਂ ਡੇਰਿਆਂ ਦੀ ਮਨਮਤ ਦਾ ਕੇਂਦਰ ਬਣਦੇ ਜਾ ਰਹੇ ਹਨ ਸਟੇਜ ਤੇ ਬੋਲਣ ਵਾਲੇ ਅਨੇਕਾਂ ਰਾਗੀ ਪ੍ਰਚਾਰਕ ਪਖੰਡੀ ਸਾਧ ਬਾਹਰ ਦੀਆਂ ਕੱਚੀ ਬਾਣੀ ਦੀਆਂ ਰਚਨਾਵਾਂ ਅਤੇ ਧਾਰਨਾ, ਮਨ ਘੜਤ ਕਹਾਣੀਆਂ ਸੁਣਾ ਕੇ ਸਿਖ ਸੰਗਤਾਂ ਨੂੰ ਗੁਮਰਾਹ ਕਰ ਰਹੇ ਹਨ ਇਸੇ ਲਈ ਸਿਖੀ ਦਾ ਘਾਣ ਹੋ ਰਿਹਾ ਹੈ ਸਾਡੇ ਬੱਚੇ ਹੋਰ ਹੋਰ ਮਨਮਤੀ ਗਰੰਥਾਂ ਅਤੇ ਡੇਰੇਦਾਰ ਸਾਧਾਂ ਦੇ ਪਿਛੇ ਲੱਗ ਕੇ ਆਚਰਣ ਹੀਨ ਅਤੇ ਨਸ਼ਿਆਂ ਵਿਚ ਪ੍ਰਵਿਰਤ ਹੋ ਰਹੇ ਹਨ ਗੁਰਬਾਣੀ ਨਾਲੋਂ ਟੁਟ ਰਹੇ ਹਨ। ਅੱਜ ਦੀ ਸਿਆਸਤ ਅਤੇ ਧਰਮ ਕੌਮ ਲਈ ਅੱਜ ਚੱਕੀ ਦੇ ਦੋ ਪੁੜ ਬਣ ਚੁਕੇ ਹਨ ਜਿਹਨਾਂ ਵਿਚ ਸਿਖੀ ਜੀਵਨ ਪਿਸ ਰਿਹਾ ਹੈ ,ਇਸਤੋਂ ਬਚਣ ਲਈ ਸਾਡੇ ਕੋਲ ਕੇਵਲ ਤੇ ਕੇਵਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਦੀ ਕਿਲੀ ਦੇ ਸਹਾਰੇ ਦੀ ਲੋੜ ਹੈ। ਸੋ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਨੂੰ ਸਮ੍ਰਪਤ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਅਪਣੇ ਅਪਣੇ ਬ੍ਰਬੰਧ ਹੇਠਲੇ ਅਸਥਾਨਾ ਤੇ ਸਟੇਜ ਦੇ ਸਾਹਮਣੇ ਇਕ ਵੱਡਾ ਬੋ੍ਰਡ ਲਿਖ ਕੇ ਲਵਾਓ।ਅਤੇ ਹੇਠਾਂ ਬੇਨਤੀ ਕਰਤਾ--- ਅਪਣੀ ਕਮੇਟੀ ਦਾ ਨਾਮ ਲਿਖੋ ਜੀ ਨੋਟਿਸ ਬੋਰਡ ਸਿਖ ਦਾ ਗੁਰੂ ਕੇਵਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਹੈ ਇਸ ਲਈ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਹੀ ਗੁਰਬਾਣੀ ਹੋ ਸਕਦੀ ਹੈ ਇਹ ਅਸਥਾਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਸਮ੍ਰਪਤ ਹੈ ਇਸ ਲਈ ਇਸ ਸਟੇਜ ਤੇ ਗੁਰਬਾਣੀ ਰਹਿਤ ਮਰੀਯਾਦਾ ਅਨਸਾਰ ਕੇਵਲ ਗੁਰਬਾਣੀ ਅਤੇ ਗੁਰਮਤਿ ਨਾਲ ਮੇਲ ਖਾਂਦੀ ਵਿਆਖਿਆ ਸਰੂਪ ਰਚਨਾ ਭਾਈ ਗੁਰਦਾਸ ਜੀ ਤੇ ਭਾਈ ਨੰਦਲਾਲ ਜੀ ਦੀ ਬਾਣੀ ਦਾ ਹੀ ਪ੍ਰਚਾਰ ਪ੍ਰਸਾਰ ਹੋ ਸਕਦਾ ਹੈ ਇਸ ਲਈ ਸਟੇਜ ਤੇ ਬੋਲਣ ਵਾਲਾ ਕੋਈ ਪ੍ਰਚਾਰਕ ਜਾਂ ਕੀਰਤਨੀਆਂ ਗੁਰਬਾਣੀ ਗੁਰਮਤ ਤੋ ਬਾਹਰ ਨਾ ਜਾਵੇ ਜੀ। ਬੇਨਤੀ ਕਰਤਾ ---ਸਥਾਨੀਯ ਗੁਰਦੁਆਰਾ ਕਮੇਟੀ ਦਰਸ਼ਨ ਸਿੰਘ ਖਾਲਸਾ f-b

No comments:

Post a Comment