Tuesday, 14 July 2015

:

ਗੁਰੁ ਪੰਥ ਗੁਰੁ ਗ੍ਰੰਥ ਹੀ ਗੁਰੁ ਪੰਥ ਹੈ ਪੰਥ ਸ਼ਬਦ ਪੱਥ ਸਬਦ ਤੋਂ ਬਣਿਆ ਹੈ {ਪੱਥ} ਪੰਥ ਰਸਤੇ ਨੂੰ ਆਖਿਆ ਜਾਂਦਾ ਹੈ ਗੁਰਬਾਣੀ ਵਿਚ ਪੰਥ ਸਬਦ ਅਨੇਕਾਂ ਵਾਰ ਆਇਆ ਹੈ ਅਤੇ ਕਰੀਬ ਹਰਿ ਥਾਵੇ ਇਸਦਾ ਅਰਥ ਰਸਤਾ ਹੀ ਹੈ ਮਨੁਖਾਂ ਦਾ ਸਮੂਹ ਕਿਤੇ ਭੀ ਨਹੀਂ। ਪੰਥ ਦਸਾਵਾਂ ਨਿਤ ਖੜੀ ਮੁੰਦ ਜੋਬਨ ਬਾਲੀ ਰਾਮ ਰਾਜੇ॥ ਮੰਦਰ ਚ੍ਹਰ ਕੇ ਪੰਥ ਨਿਹਾਰਉਂ ਨੈਨ ਨੀਰ ਭਰ ਆਇਓ॥ ਪੰਥਾ ਪ੍ਰੇਮ ਨਾ ਜਾਨਈ ਭੂਲੀ ਫਿਰਹਿ ਗਾਵਾਰ॥ ਪੁਰ ਸਲਾਤ ਕਾ ਪੰੰਥ ਦੁਹੇਲਾ ॥ਸੰਗ ਨਾ ਸਾਥੀ ਗਵਨ ਅਕੇਲਾ॥ ਸਿਖ ਲਈ ਜੀਵਨ ਦਾ ਰਸਤਾ ਨਿਰਾਲਾ {ਪੰਥ} ਗੁਰਬਾਣੀ ਰਾਹੀ ਗੁਰੁ ਨੇ ਸਿਰਜਿਆ ਹੈ ਇਸ ਲਈ ਗੁਰੁ ਸ਼ਬਦ ਹੀ ਸਿਖ ਦਾ ਗੁਰੁ ਪੰਥ ਹੈ।ਜਿਸਦੀ ਤਿਆਰੀ ਗੁਰੁ ਨੇ ਦਸਾਂ ਜਾਮਿਆਂ ਦੇ ਸਮੇ ਵਿਚ ਕੀਤੀ। ਕੋਈ ਵਿਅੱਕਤੀ ਜਾਂ ਕੁਛ ਵਿਅਕਤੀਆਂ ਦਾ ਇਕੱਠ ਸਿਖ ਦਾ ਗੁਰੁ ਪੰਥ ਹੋ ਹੀ ਨਹੀਂ ਸਕਦਾ । ਸਿਖ ਤਾਂ ਗੁਰੁ ਦੇ ਦੱਸੇ ਉਸ ਰਸਤੇ ਤੇ ਚੱਲਨ ਵਾਲਾ ਇਕ ਪੱਥਕ {ਮੁਸਾਫਰ} ਹੋ ਸਕਦਾ ਹੈ। ਬੜੀ ਸਾਜਸ਼ ਨਾਲ ਕੌਮ ਨੂੰ ਅਪਣਾ ਗੁਲਾਮ ਰੱਖਣ ਲਈ ਗੁਰੁਬਾਣੀ ਸਿਧਾਂਤ ਦੇ ਉਲਟ ਵਿਅਕਤੀਆਂ ਦੇ ਇਕੱਠ ਨੂੰ ਗੁਰੁ ਪੰਥ ਦਾ ਨਾਮ ਦਿਤਾ ਗਿਆ ਨਤੀਜਾ ਇਹ ਹੋਇਆ ਕੇ ਆਚਰਣ ਹੀਨ ਕੁਛ ਸਿਆਸੀ ਲੋਕ ਗੁਰੁ ਪੰਥ ਦੇ ਨਾਮ ਹੇਠ ਸਿਖੀ ਤੇ ਕਾਬਜ਼ ਹੋ ਕੇ ਸਿਖੀ ਵਿਰਸੇ ਨੂੰ ਬਰਬਾਦ ਕਰ ਰਹੇ ਹਨ। ਗੁਰਬਾਣੀ ਅਨਸਾਰ ਪੂਰੇ ਗੁਰੁ ਵਲੋਂ ਬਖਸ਼ੇ ਹੋਏ ਗੁਰਮਤਿ ਸਿਧਾਂਤ ਰੂਪ ਰਸਤੇ ਜਿਸਤੇ ਸਿਖ ਨੇ ਜੀਵਨ ਭਰ ਚਲਣਾ ਹੈ ਉਹ ਗੁਰੁ ਸ਼ਬਦ ਹੀ ਗੁਰੁ ਪੰਥ ਹੈ।ਇਸ ਲਈ ਗੁਰੁ ਗ੍ਰੰਥ ਹੀ ਗੁਰੁ ਪੰਥ ਹੈ f-b

No comments:

Post a Comment