Tuesday, 9 June 2015

ਗੁਰੁ ਗੋਬਿੰਦ ਸਿੰਘ ਜੀ ਨੇ 1699 ਵਿਚ ਹੀ ਜਦੋਂ ਖੰਡਾ ਬਾਟਾ
ਪਾਣੀ ਅਤੇ ਪਤਾਸੇ ਆਦ ਦੀ ਵਰਤੋਂ ਕਰਕੇ ਕੇਵਲ ਅੰਮ੍ਰਿਤ ਬਾਣੀ ਹਰਿ ਹਰਿ
ਤੇਰੀ ਰਾਹੀ ਬਾਣੀ ਅੰਮ੍ਰਿਤ ਖਾਲਸੇ ਨੂੰ ਬਖਸ਼ਿਸ਼ ਕੀਤਾ ਉਸ ਵੱਕਤ ਇਹ ਸਮਝ
ਕੇ ਕੇ ਪੌਣੇ ਦੋ ਸੌ ਸਾਲ ਵਿਚ ਗੁਰੁ ਜਾਮਿਆਂ ਅਤੇ ਭਗਤਾਂ ਰਾਹੀਂ ਇਕੱਤਰ
ਕੀਤੀ ਇਹ ਅਕਾਲੀ ਬਾਣੀ ਹੀ ਮਨੁਖੀ ਜੀਵਨ ਲਈ ਅਸਲ ਰਹਿਤ ਨਾਮਾ ਹੈ ।
ਇਸੇ ਲਈ ਗੁਰੁ ਗੋਬਿੰਦ ਸਿੰਘ ਜੀ ਨੇ ਕੋਈ ਜੀਵਨ ਜੁਗਤ, ਰਹਿਤ ਨਾਮਾ,
ਵਿਅਕਤੀ ਗਤਿ ਅਪਣੇ ਵਲੋਂ ਲਿਖ, ਕੇ ਨਹੀਂ ਦਿਤਾ।ਰਹਿਤ ਨਾਮਿਆਂ ਦੇ ਖੋਜੀ
ਪਰੌਫੇਸਰ ਪਿਆਰਾ ਸਿੰਘ ਪਦਮ ਭੀ ਏਹੋ ਗੱਲ ਲਿਖਦੇ ਹਨ ।“ ਇਕ ਗੱਲ
ਸਾਫ ਹੈ ਕਿ ਕੋਈ ਰਹਿਤਨਾਮਾ ਸ੍ਰੀ ਮੁਖਵਾਕ ਜਾਂ ਗੁਰੁ ਗੋਬਿੰਦ ਸਿੰਘ- ਰਚਿਤ
ਨਹੀਂ” [ਪਿਆਰਾ ਸਿੰਘ ਪਦਮ]
ਅਤੇ ਏਸੇ ਫੈਸਲੇ ਅਨਸਾਰ ਹੀ 1708 ਵਿਚ ਜੋਤੀ ਜੋਤ ਸਮਾਣ ਸਮੇ ਗੁਰੁ
ਗੋਬਿੰਦ ਸਿੰਘ ਜੀ ਨੇ ਸ਼ਬਦ ਗੁਰੁ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਨੂੰ ਗੁਰੁ ਸਿੰਘਾਸਣ ਦੇ
ਕੇ ਸਰਬੱਤ ਖਾਲਸੇ ਨੂੰ ਸ਼ਬਦ ਗੁਰੁ ਸ੍ਰੀ ਗੁਰ ਗ੍ਰੰਥ ਸਾਹਿਬ ਜੀ ਦੀ ਅਗਵਾਈ
ਵਿਚ ਜੀਵਨ ਜੀਉਣ ਦਾ ਹੁਕਮ ਕੀਤਾ।
ਮੈ ਸਮਝਦਾ ਹਾਂ ਅਜੇ ਤਕ ਬ੍ਰਾਹਮਨ ਇਜ਼ਮ ਦੇ ਉਹ ਹਮਲੇ ਲਗਾਤਾਰ ਜਾਰੀ
ਹਨ ਨਤੀਜੇ ਵਜੋਂ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੀ ਦਿਤੀ ਜੀਵਣ ਜੁਗਤ ਰਹਿਤ
ਮਰੀਆਦਾ ਨੂੰ ਨਾ ਸਮਝ ਕੇ ਅਤੇ ਸ਼ਬਦ ਗੁਰੁ ਦੀ ਮਰੀਆਦਾ ਵਲੋਂ ਮੂਹ ਮੋੜ ਕੇ
ਅਪਣੀ ਅਪਣੀ ਹਉਮੈ ਅਧੀਨ ਸਮੇ ਸਮੇ ਨਾਲ ਵਿਅੱਕਤੀ ਗਤ ,ਸੰਪਰਦਾਈ ,
,ਜਥਿਆਂ, ਟਕਸਾਲਾਂ ਅਤੇ ਵੱਖ ਵੱਖ ਤਖਤਾਂ ਦੇ ਨਾਮ ਹੇਠ ਵੱਖ ਵੱਖ ਰਹਿਤ
ਮਰੀਆਦਾ ਬਣ ਗਈਆਂ ਅਤੇ ਬਣ ਰਹੀਆਂ ਹਨ ਜੋ ਆਪਸ ਵਿਚ ਭੀ ਨਹੀਂ
ਮਿਲਦੀਆਂ ,ਕਿਉਂਕੇ ਇਹ ਵਿਅੱਕਤੀਆਂ ਦੇ ਵਿਚਾਰ ਹਨ ਗੁਰੁ ਦੇ ਨਹੀਂ, ਅਤੇ
ਪਿਆਰਾ ਸਿੰਘ ਪਦਮ ਇਹ ਭੀ ਲਿਖਦੇ ਹਨ ਕੇ “ਮਲੂਮ ਹੁੰਦਾ ਹੈ ਕੇ ਅਠਾਰਵੀਂ
ਸਦੀ ਵਿਚ ਇਨ੍ਹਾ ਦੀ ਰਚਣਾ ਹੋਈ ਲਿਖਣ ਵਾਲੇ ਹੋਰ ਬੁਧੀਮਾਨ ਸਿਖ ਹਨ, ਪ੍ਰੰਤੂ
ਇਨ੍ਹਾ ਨੂੰ ਪ੍ਰਮਾਣੀਕ ਬਣਾਉਣ ਲਈ ਗੁਰੁ ਦਸ਼ਮੇਸ਼ ਜੀਦੇ ਨਿਕਟ ਵਰਤੀ ਬਜ਼ੁਰਗ
ਸਿਖਾਂ ਨਾਲ ਸਬੰਧਿਤ ਕੀਤਾ ਗਿਆ ,ਜਿਵੇਂ ਕੇ ਭਾਈ ਨੰਦਲਾਲ ਸਿੰਘ, ਭਾਈ
ਦਯਾ ਸਿੰਘ ,ਭਾਈ ਚੋਪਾ ਸਿੰਘ ਭਾਈ ਪ੍ਰਹਿਲਾਦ ਸਿੰਘ ਨਾਲ” ।ਸਿੰਘੋ ਇਹ
ਸਭ ਵੱਖ ਵੱਖ ਰੂਪ ਵਿਚ ਬ੍ਰਾਹਮਨ ਇਜ਼ਮ ਦਾ ਮਾਰੂ ਹਮਲਾ ਹੈ।
ਇਸੇ ਕਰਕੇ ਸਿਖੀ ਵਿਚ ਵਿਚਾਰਾਂ ਦੇ ਰਾਹੀ ਵੰਡੀਆਂ ਪੈ ਰਹੀਆਂ ਹਨ ਗੁਰੁ ਦੇ
ਵਿਚਾਰ ਵੱਖ ਵੱਖ ਨਹੀਂ ਹੋ ਸਕਦੇ [ਇਕਾ ਬਾਣੀ ਇਕ ਗੁਰੁ ਇਕੋ ਸਬਦ
ਵੀਚਾਰ] ਹੀ ਏਕਤਾ ਹਨ। ਮੈ ਪੁਰ ਜ਼ੋਰ ਹੱਥ ਜੋੜ ਬੇਣਤੀ ਕਰਨਾ ਚਾਹੁਂਦਾ ਹਾਂ
ਸਿੰਘੋ ਜੇ ਕੌਮ ਵਿਚ ਏਕਤਾ, ਸ਼ਕਤੀ ,ਸਿਖ ਦਾ ਸਰਲ ,ਸੁਚਾ, ਜੀਵਣ ਚਾਹੁਂਦੇ
ਹੋ ਤਾਂ ਅਪਣੀ ਅਪਣੀ ਧਾਰੀ ਰਹਿਤ ਮਰੀਆਦਾ ਦੇ ਇਸ ਮੱਕੜ ਜਾਲ ਵਿਚੋ
ਨਿਕਲ ਕੇ ਇਕੋ ਇਕ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੀ ਅਗਾਈ ਵਿਚ ਜੀਵਣ
ਰਹਿਤ ਅਪਣਾਓ ।
                                       Darshan singh khalsa

No comments:

Post a Comment