Wednesday, 24 June 2015

:

ਗੁਰਬਾਣੀ ਅਨਸਾਰ ਨਾਮ ਅਭਿਆਸ ਨਾਮ ਹਮੇਸ਼ਾਂ ਹਰ ਕਿਸੇ ਦੀ ਪਛਾਣ ਲਈ ਹੋਂਦਾ ਹੈ ਪਛਾਣ ਲਈ ਹੀ ਸਾਡੇ ਤੁਹਾਡੇ ਭੀ ਨਾਮ ਰੱਖੇ ਜਾਂਦੇ ਹਨ ਜੋ ਮਾ ਬਾਪ ਨਿਸਚਤ ਕਰਦੇ ਹਨ ਕਿਉਂਕੇ ਸਾਨੂੰ ਤੁਹਾਨੂੰ ਤਨ ਕਰਕੇ ਮਾ ਬਾਪ ਜਨਮ ਦੇਂਦੇ ਹਨ। ਪਰ ਅਕਾਲ ਪੁਰਖ ਤਾਂ ਤਨ ਨਹੀਂ ਹੈ ਅਤੇ ਨਾ ਹੀ ਉਸਨੂੰ ਮਾਂ ਬਾਪ ਨੇ ਜਨਮ ਦਿਤਾ ਹੈ। ਸੰਕਟਿ ਨਹੀ ਪਰੈ ਜੋਨਿ ਨਹੀ ਆਵੈ ਨਾਮੁ ਨਿਰੰਜਨ ਜਾ ਕੋ ਰੇ ॥ ਕਬੀਰ ਕੋ ਸੁਆਮੀ ਐਸੋ ਠਾਕੁਰੁ ਜਾ ਕੈ ਮਾਈ ਨ ਬਾਪੋ ਰੇ ॥2॥ ਇਸ ਲਈ ਕਿਸੇ ਨੇ ਅਪਣੀ ਸੋਚ ਸਿਆਣਪ ਨਾਲ ਉਸਦਾ ਕੋਈ ਨਾਮ ਨਹੀਂ ਰੱਖਿਆ ਹਾਂ ਉਸਦੇ ਕਿਰਤਮ ਗੁਣ ਹੀ ਉਸਦਾ ਨਾਮ ਬਣ ਗਏ ਹਨ ਜੋ ਜਪੇ ਜਾ ਰਹੇ ਹਨ ।ਕਿਉਂਕੇ ਉਹ ਹਮੇਸ਼ਾਂ ਸੱਤ ਰਹਿਣ ਵਾਲਾ ਹੈ ਇਹ ਭੀ ਉਸਦਾ ਗੁਣ ਹੈ। ਨਾ ਓਹੁ ਮਰੈ ਨ ਹੋਵੈ ਸੋਗੁ ॥ ਦੇਦਾਰਹੈ ਨ ਚੂਕੈ ਭੋਗੁ ॥ ਗੁਣੁ ਏਹੋ ਹੋਰੁ ਨਾਹੀ ਕੋਇ ॥ ਨਾ ਕੋ ਹੋਆ ਨਾ ਕੋ ਹੋਇ ॥3॥ ਇਸ ਲਈ ਉਸਦਾ ਸਭ ਤੋ ਪੁਰਬਲਾ ਨਾਮ ਸਤਿ ਨਾਮ ਹੈ। ਕਿਰਤਮ ਨਾਮ ਕਥੇ ਤੇਰੇ ਜਿਹਬਾ ॥ ਸਤਿ ਨਾਮੁ ਤੇਰਾ ਪਰਾ ਪੂਰਬਲਾ ॥ ਸੋ ਪ੍ਰਭੂ ਦਾ ਨਾਮ ਗੁਣ ਸਰੂਪ ਪ੍ਰਭੂ ਦੇ ਗੁਣਾਂ ਤੇ ਅਧਾਰਤ ਹੈ ਗੁਰਬਾਣੀ ਦੀ ਅਗਵਾਈ ਵਿਚ ਪ੍ਰਭੂ ਦੇ ਗੁਣਾ ਨੂੰ ਸਮਝ ਕੇ ਜਪਦਿਆਂ ਹਿਰਦੇ ਵਿਚ ਵਸਾਣਾ ਅਤੇ ਜੀਵਨ ਦੇ ਕਰਮਾ ਵਿਚ ਧਾਰਨ ਕਰਣਾ ਹੀ ਅਸਲ ਵਿਚ ਨਾਮ ਅਭਿਆਸ ਭਗਤੀ ਹੈ। ਸਭਿ ਗੁਣ ਤੇਰੇ ਮੈ ਨਾਹੀ ਕੋਇ ॥ਵਿਣੁ ਗੁਣ ਕੀਤੇ ਭਗਤਿ ਨ ਹੋਇ ॥ ਗੁਰਮੁਖਿ ਹਸੈ ਗੁਰਮੁਖਿ ਰੋਵੈ ॥ਜਿ ਗੁਰਮੁਖਿ ਕਰੇ ਸਾਈ ਭਗਤਿ ਹੋਵੈ ॥ ਗੁਰਮੁਖਿ ਹੋਵੈ ਸੁ ਕਰੇ ਵੀਚਾਰੁ ॥ਗੁਰਮੁਖਿ ਨਾਨਕ ਪਾਵੈ ਪਾਰੁ ॥14॥ ਰਾਮ ਰਾਮ ਸਭ ਕੋ ਕਹੈ ਕਹਿਆ ਰਾਮ ਨਾ ਹੋਇ॥ ਗੁਰੁ ਪ੍ਰਸਾਦੀ ਰਾਮ ਮਨ ਵਸੈ ਤਾਂ ਫਲ ਪਾਵੈ ਕੋਇ ਮੁਖਹੁ ਹਰਿ ਹਰਿ ਸਭ ਕੋ ਕਹੈ ਵਿਰਲੇ ਹਿਰਦੇ ਵਸਾਇਆ॥ ਨਾਨਕ ਜਿਨ ਕੇ ਹਿਰਦੇ ਵਸਿਆ ਮੋਖ ਮੁਕਤ ਤਿਨ ਪਾਇਆ॥ Darshan singh khalsa f-b

No comments:

Post a Comment